Գերմանիա, հունիսի 20-27

Երիտասարդների համար ծրագիր Գերմանիայում (կարող են մասնակցել նաև բարձր դասարանների սովորողները)։

Վիադրինա եվրոպական համալսարանի ( և Քաղաքականության հետազոտական կենտրոնի հետ համատեղ կազմակերպվող ծրագրում կներառվի երկօրյա դասընթաց, որի ընթացքում մասնակիցները կծանոթանան տարածաշրջանի պատմությանը և մշակույթին, ինչպես նաև կմասնակցեն սեմինարների՝ համալսարանի դասախոսների հետ։ Բացի այդ, կկազմակերպվի մշակութային փոխանակման միջոցառում՝ համալսարանի հայ և գերմանացի ուսանողների հետ, էքսկուրսիա գերմանա-լեհական սահմանի հատվածում, ինչպես նաև 3 օրվա ընթացքում էքսկուրսիաներ և թանգարանների այցեր Բեռլինում և Պոտսդամում։

Մասնակիցները կստանան հավաստագրեր, ինչպես նաև մանրամասն տեղեկություններ՝ հետագայում համալսարանի անվճար ուսումնական ծրագրերի համար դիմելու հնարավորությունների մասին։ *

Ծրագրին կարող են մասնակցել թե ուսանողներ և բարձր դասարանների սովորողներ, թե երիտասարդներ, ովքեր սիրում են ճամփորդել, շփվել և նոր վայրեր բացահայտել։ Անգլերենի կամ գերմաներենի միջին մակարդակի իմացությունը ցանկալի է։

Դասընթացի վայրը Օդերի Ֆրանկֆուրտում է՝ Լեհաստանի սահմանին, Բեռլինից գնացքով 1 ժամվա հեռավորության վրա։ Ուսանողական հանրակացարանը համալսարանի գլխավոր մասնաշենքից 10-15 րոպե քայլելու հեռավորության վրա է․ կտրամադրվեն 2 տեղանոց սենյակներ՝ իրենց սանհանգույցներով, և 4-5 սենյակի համար ընդհանուր հյուրասենյակով և խոհանոցով։

Արժեքը ներառում է կացությունը՝ նախաճաշով, դասընթացը և դրա ընթացքում (2 օր) ճաշը, էքսկուրսիաները և թանգարաններ այցերը՝ Ֆրանկֆուրտում և սահմանամերձ տարածքում, նաև 3 օրվա ընթացքում քաղաքային տուրեր, թանգարանների այցելություններ և հետաքրքիր ժամանց Բեռլինում և Պոտսդամում (առավոտյան գնալով և երեկոյան վերադառնալով), տրանսֆերները, գնացքների տոմսերը և հանրային տրանսպորտը։

Ներառված չեն վիզաների կենտրոնի վճարը, փաստաթղթերի թարգմանությունները և նոտարական վավերացումն՝ ըստ անհրաժեշտության, ապահովագրությունը:

Մասնակիցները կստանան հավաստագրեր։ Անգլերենի A2/B1 մակարդակը ցանկալի է։ Գերմաներեն իմացողների համար կկազմակերպվեն լրացուցիչ միջոցառումներ։

Հետագայում մասնակիցները կարող են նաև դիմել համալսարանի ուսումնական ծրագրերի համար․ մասնավորապես, անգլերենով դասավանդվող թվային ձեռներեցության մագիստրոսական ծրագիրը, որն ուսումնասիրում է թվայնացման իրավական կարգավորումները, տնտեսական ներուժը և տեխնիկական լուծումները, ինչպես նաև այլ ծրագրեր, անվճար են (անհրաժեշտ է վճարել միայն հանրակացարանի համար՝ ամսեկան մոտ 200 եվրո, և յուրաքանչյուր կիսամյակի սկզբում ուսանողական միության անդամավճար՝ 380 եվրո, որը ներառում է Գերմանիայի տարածքում գնացքներով երթևեկելը, հանրային տրանսպորտը, ինչպես նաև զեղչեր համալսարանի ճաշարանում)։

Գինը՝ € 790 համարժեք դրամ + ավիատոմս

* Գերմաներեն դասավանդվող ծրագրերը, ինչպես նաև անգլերեն դասավանդվող մի շարք ծրագրեր՝ օրինակ, թվային ձեռներեցության մագիստրոսական ծրագիրը, որն ուսումնասիրում է թվայնացման իրավական կարգավորումները, տնտեսական ներուժը և տեխնիկական լուծումները, անվճար են (անհրաժեշտ է վճարել միայն հանրակացարանի համար՝ ամսական մոտ 200 եվրո, և յուրաքանչյուր կիսամյակի սկզբում ուսանողական միության անդամավճար՝ 380 եվրո, որը ներառում է Գերմանիայի տարածքում գնացքներով երթևեկելը, հանրային տրանսպորտը, ինչպես նաև զեղչեր համալսարանի ճաշարանում)։